有人會話自己好有夢想，例如好鐘意畫畫啦，但逢call必到，日日夜蒲，夢想似做酒吧PR多。
有人會話自己唔溝仔 / 女，但msn facebook永遠都係同異性傾計，原來溝既定義係著到行哂set爆個頭擺明今晚available既姿態再撩人先叫溝。
有人會話自己好忙好唔得閒，轉個頭見佢怒做facebook無聊quiz，又有時間打篇論文咁長既日記。
有人會話自己對d八卦野冇興趣，暗鄙女仔講是非，但又好鐘意睇d唔識既人既blog，原來佢八卦既定義係specific同某d人一齊八先叫八。

其實所有野都係包裝，只係話俾人聽自己係咩人，一種推銷自己既方法，向人講得多，就自己都以為自己係講緊自己

近來發現，自己係點係唔需要同人講，應該齋企係度人地已經可以feel到你係一個咩人
人地get唔倒一係人地冇留意，一係你根本就未成熟到成為一種令人有feel既人，兩者需要做既野都一樣，就係
收皮。

講完。